مرة حمار بيقول لخطبتة احنا هنتجوز امتى يا حمارة
قلتلة لما تحسن الفاظك شوية يا حيوان
ايه أسرع ثلاث وسائل للاتصالات؟
Telephone
Television
Tell -a- Woman
واحد أحول راح يجيب أبوه من المطار باس الشنطة وشال أبوه
فار وخطيبته ماشيين, شاف الفيل فحب يعمل منظر قدامها
فقعد ينده علي الفيل ويقوله:- "خد يا فيل انت أيوة انت يا عجل" وقعد يهزء فيه
تاني يوم راح للفيل وقاله:- "معلش سامحني انا كنت بعمل منظر قدام خطيبتي وهطلع أبوس دماغك"
وهو فوق دماغه لقي خطبيبته معدية
قاله:-" يعني أكسرلك دماغك دلوقتي"
واحد بخيل راح مع ابنه السوبر ماركت..
الواد جاب بسكوت وشكولاته و شيبسى
ابوه بيقوله ايه ده يا واد
قاله بحبحه يا بابا بحبه
قاله خلاص بوسه ورجعه ؟!
واحد بلديتنا حب يعمل ارهابى.. خطف ابنه.. محدش سأل عليه قتله
:
مره اثنين حششين فواحد بيسال الثانى هو الحشيش حرام ولا حلال رد عليه الثانى وقله لو حلال ادينا بنشربه ولو حرام ادينا بنحرقه
:
مجانين حط لهم الدكتور أغنيه ... قامو يرقصون الا واحد !! قال له
الدكتوور ليه ما ترقص قال اصل انا العروسة
مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
:
تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
..
مرة واحد حرامى مجبش لمراته هديه فى عيد الحب قالها
معلش ياحبيبتى لقيت كل المحلات فاتحه
*******
واحد بيقول لصاحبه مش الجوازه بتاعت البنت فشلت قاله ليه ؟
قاله العريس عايز يضحك علينا قال انا هجيب
الشقه والعفش وكل حاجه تلزم البيت قلنا كويس واحنا علينا ايه قال كل يوم تجيبولي العيش
********
مجانين راكبين طيارة , الطيارة قعدت تميل يمين وشمال
الطيار قال للمضيفه شوفى الناس اللى فى الطيارة دول
راحت المضيفه لاقتهم بيلعبوا كرة قدم ولقت واحد قاعد على الكرسى بيتفرج
قالت له سكت الناس دول كدة الطيارة معرضه للخطر قالها روحى انتى ومالكيش دعوة انا هاتصرف
وبعد شويه راحت المضيفه لاقت كل شىء تمام ومافيش ناس غيرة قالت له انت عملت ايه
قالها نازلتهم من الطيارة يلعبوا تحت
*********
واحد بيسأل بياع إمخاخ
المخ الفرنساوى ده بكام قالوا ب30 دولار
والمخ الأمريكانى ده بكام قالو ب20 دولار
طب على كده المصرى ده بكام قالو ب60 دولار
الراجل استغرب إزاى ياعم انت
البياع قالوا اصلو ما أشتغلش لسه بشوكة
**********
واحد مصري سافر لصاحبة الفرنسي ولما وصل عزمة ينام عندة ساله تتغدا معايا ولا مع القطه
قله ازاي اتغدي مع القطة طبعا اتغدي معاك
وفي المساء قلة تشرب الشاي معايا ولا مع القطه قالة معاك
ولما جة وقت النوم قلة تنام معايا ولا مع القطه قلة لا معاك
ولما صحي الصبح شاف واحده زي القمر قالها اسمك اية قالتة اسمي قطة
وانت اسمك اية قالها اسمي الحمار
***********
عسكرى مصرى بيسأل عسكرى اسرائيلى
بتقبض كام قالوا الف دولار بدل سكن والف دولار بدل موصلات والف دولار بدل ترفيه والف دولار مكافه
فالعسكرى الاسرائيلى ساءل العسكرى المصرى بتقبض كام قالوا سبعين جنيه قالوا بدل ايه ده؟ قالوا....بدل ماشحت
**********
+جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش
+فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى
+مرة كلب فقد الذاكرة ماشى فى الشارع بيقول صوصو...لا نونو.....لا .....
+مرة دكتور تحليل امة ماتت قال تحاليلي ياما
+واحد بلدياتنا اشتري راديو حط فيه حجرين المذيع اتسطل
+بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين
+مرة واحد لبّان ابنه دخل المدرسة... قعد اسبوعين وقطع
+واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة0
+مرة ولد سأل ابوه هل الحب اعمي يا بابا قاله بص في وش امك و انت تعرف
+مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله بابا البقال بيقولك تعال الحس السكينه
+بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح قالت له يا راجل ليه التبذير ده قال لها اسكتى خلى العيال تاكل
+فرخة استحمت بهد اند شولدر باضد بيضة من غير اشرة
+مره واحد مسطول بييصطاد سمك بالحشيش طلعتله سمكه بتقول : انا تمساااااااااح
+بلديات قال لصاحبه .. بالي مشغول من امبارح قاله يمكن حد رافع السماعه
+مرة استاد سأل طالب في اي فصل يسقط المطر فال له في الفصل اللى مالهوش سقف
+واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات
+مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا
+فار محشش قال : كل القطط تحت جزمتى لقى وراه قط اسود قال الا ابو سمره حبيبى
+مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة
+واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
+ست وبنتها ساكنين فى الدور الاخير .. فالبنت نزلت على السلالم ، وبعد كده السلالك كلها اتكسرت ، فتعمل ايه عشان تطلع تانى ؟؟؟؟؟؟؟ .......... على راى المثل اقلب القدره على فمها "تطلع" البنت لأمها
+واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر
+مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض
+مرة جاموسة جلها جفاف جابت لبن بودرة
+مره واحد لبان أشترى عمارة (ملك) مراته راحت تلم القشطة من علي السطح
+لية السمك بيخاف من الجنية....؟! علشان الجنية فية 100 قرش
+مرة واحد بلدياتنا زار الهرم ,فقال يابوى كل دى حتت جبنه نستن
+اتنين صيادلة قابلوا بعض الأول بيقول للتانى يامرهم فينك بنسلين ماشفنكش رد التانى قل له أهى تينيا
+مره واحد بيحشش بيقول لصحبه امبارح جيت اسحب نفس قالوا لى ملكش رصيد
+اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور
+واحد بلدينا بيسال اخوه تعرف مبنى التجارة الدولى اللى فى نيويورك اتهدم ليه رد علية ليه قالوا اصله كان على ارض زراعية
+السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل
+مرة واحد فرعونى حب واحدة فرعونية قال لها: (آمون فيك
+مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين
+فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس
+سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه
+واحد سكران فتح التلاجه وبص للجلي ...وجده بيرتعش :قالوه متخفش هاخد عصير
+مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة
+واحد بلدياتنا فى المصيف إتصور بمايوه و بعت صورته البلد بعتوله هدومه
+واحد سأل صاحبه .. ايه السبب الرئيسى للطلاق ؟ قاله الزواج
+مرة واحد ماذون مش لاقي شغل طلق مراتة
+نجار مراته تغسل الغسيل وهو ينشره
+واحدبلدياتنا سافر فرنسا بعت جواب لابوه بيقوله فرنسا حلوه يابويى فرنسا جميله قوى يا بويى ابوه بعتله جواب قاله اتجدعن وانا اجوزها لك
+مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا
+واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟؟؟
+نذل اتصل على برنامج أغانى ، و طلب اغنية بابا فين ، و اهداها لكل أيتام العالم
+هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه
+مرواحد كهربائى سخن ركبولو طرنس
+قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك
+ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت ملك
+مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي
+مره واحد بلدياتنادخل حمام افرنجي اخد معاه مترجم
+واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه.قالتله ماتسكت مش ابو هيثم جارنا دخل بنفرين
+أصلع مشكلته إنه مش عارف يعبر عن شعوره
+واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!!
+مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق
المسامير ورمى المسامير فى الارض و قالهم..... هاتوه
+واحد بلدياتنا اشترى مكيف ولما جه يركبه فى الحيطه ركبه بالمشقلب وبعدين جه شغله قال أوففففففف أوفففف الله يكون فى عون اللى بره
+مرة إتنين حشاشين قاعدين يحششوا فى الترب ..طب عليهم البوليس.. فواحد منهم هرب و التانى راح إستخبى فى الترب..فشافه الظابط, فجاله يقولله انت بتعمل ايه هنا عندك..رد عليه الحشاش وقاله يا بيه هو الإنسان مخلوق من ايه؟ فقاله من تراب ..فرد عليه الحشاش..طب على النعمه انا لسه مخلوق دلوقتى
+مسطول يسال مسطول ثاني : متعرفش فين شارع 26 يوليو ؟ رد الثاني مقالولكش سنة كام ؟
الثلاثاء سبتمبر 08, 2009 8:05 pm
