________________________________________
يلا ادخل بسرعة وجاوب وانت تدخل الطب من اوسع ابوابة
بما انى لسة خارجة من الثانوية العامة حبيت اشرككم معايا فى الامتحانات بس اعتقد ان ده اسهل كتير من امتحانات
الثانوية العامة عموما اتفضل وسمى الله
امتحان لغة عربية سنة2010
اولا التعابير :
1- لمصر مجهودها الرائع والرويش في ادارة توك توك السلام في الشرق الاوسط
تكلم عن هذه الجهود مبرزا دور الرئيس جمال مبارك في هذه الجهود
2- اكتب برقية عزاء تبين فيها حزنك الشديد لفقد الداعية المصري الشيخ هيثم .
ثانيا القصة :
وكان اسامة دائما يخرج من منزله متاخرا لتسجيل البرنامج
الامر اللي خلاه دايما يروح متاخر برضو لكن في هذه الليلة عاد اسامة مبكرا ولم يتاخر كعادته
اجب عن شوية الاسئلة دول :
ا - لماذا كان اسامة منير يعود لمنزله متاخرا ؟
ب _ لماذا عاد مبكرا في هذه الليلة ؟
ج _ ما اسم البرنامج ؟
ثالثا القراءة :
( وتطور الامر بينهم الى ان بلغ ذروته وكل منهم يريد ان يثبت احقيته في امتلاكها حتى حكمت المحكمة الحكم الفاصل
بان الاغنية من حق شعبان عبدالرحيم وعلى سعد الصغير دفع مبلغ مقابل لسرقة الاغنية )
ا ما الاغنية التي تتكلم عنها القطعة ؟
ب لماذا هي من حق شعبان عبدالرحيم ؟
ج لماذا سميت بهذا الاسم مع الدليل من الكليب ؟
د ما قيمة المبلغ اللي حصل عليه شعبولا من سعد ؟
رابعا النصوص والبلاهة :
قالت الشاعرة المزة اليسا ابوماضي :
كنا في اواخر الشتا قبل اللي فات
زي اليومين دول عشنا مع بعض حكايات
وانا لما كنت احب اتونس معاه
انا كنت باخد بعضي وارحله من سكات
اجب عن الاسئلة التالية
1 اشرح الابيات شرحا مفصلا باختصار
2 في اي فصل من فصول السنة كتبت هذه القصيدة ( مستدلا على ما تقول )
ولماذا اختصت الشاعرة الشتا قبل اللي فات تحديدا ؟
3 علام يدل التعبير انا كنت باخد بعضي وارحله من سكات ؟
4 ايهما افضل انا كنت باخد بعضي ) ولا ( انا كنت باخد تاكسي )
5 اختر من بين الاقواس ( انا كنت باخد بعضي ) المقصود بيها
( دكاكيني - سوكيتي - في الكنافة )
خامسا الادب :
1- تكلم عن مراحل التطور الشعري دباية من امير الشعراء احمد شوقي مارا بمدرسة برعي شجر حتى مدرسة مصطفى كامل
2- ظهرت مدارس عديدة في مجال الاغنية الشعبية
اشرح باختصار سمات مدرسة رمضان البرنس مميزا لها عن مدرسة عبدالباسط حمودة
سادسا النحو :
أنا رايح فين .. أنا راجع تاني ... أيوة افتكرت انا ... يوووووووه نسيت
بس كنت لما هافتح اللاب امبارح قام الباب مخبط في بعضه ... روحت نمت بقي
اصل مش معقولة كدة ... اعتقد ده هو السبب ... ان الساعه كانت وربع جنيه كمان زيادة
فراح جاب حاجة مش ساقعة .. ضربه بقي فوقع وعرف انه حلم مش خمسة ولا اربعة ولا حتي تلاتة
اول نقطة :
في قوله .. انا رايح فين .. انا راجع تاني
هل تعتقد انه رجع ليه
1- كان فيه كلب فخاف منه ورجع
2- كان فيه كلب فخاف ورجع منه
3- نسي البطارية بتاعت الموبيل
(وهو لو نسيها هايعرف ازاي)
4- 1و2و3
تاني فصلة :
في قوله .. اصل مش معقولة ..
اذكر جمع كلمة معقولة
1- مع تانية
2- مع تالتة
3- مع اولي برده
رابع بوينت :
لما قال .. (هو مين اصلا اللي قال ) مش مفروض تعرف
مين بقي
1- هو
2- مش هو
3- 1 و 2
لو عرفت السؤال اتصل علي ..
010-011-012-014-016-017-018-019
والشبكة الجاية هاتدخل علي العشرينات
ملحوظة .. يسمح باستخدام الالة الحاسبة
الثلاثاء سبتمبر 08, 2009 2:36 pm
